الحب بحر غزير ضمنى جاله

#poem_4d3306675aa44 td {
font-family: simplified arabic;
font-size: x-large;
font-weight: bold;
}

حل الهوى واستقر من بعد ترحاله

في وسط قلبي وانا للهم حمّالي

صار الجسد له وطن والقلب يهناله

حرّم عليّ السّعد واوثق لي احبالي

اسقى فؤادي القهر وادمتني انباله

اقفل دروب الرجى وانهالي امالي

شلت العنى ما كفى واشقتني اهواله

كاس المسره انكفي ما يرتجع تالي

ورد المحبه ذبل والقلب عزآله

من حر ما به غدت نومته مقيالي

طال السفر ما وصلت إل بارد اظلاله

خلص كثير الصبر وانهدت اجمالي

وصلت مواري الشتا واشتقت لوصاله

احس فيه الدفى لا هبت اشمالي

وش حيلة اللي ارتكى للحِمْل بلحاله

لا قربوا له ولا منوه بوصالي

يامن بليتوا الهوى خلوه في حاله

ما هوب سلعه ولا ينقاس بالمالي

الحب بحرٍ غزير ٍضمنى جاله

ما توب عنّه ولا لي عنه ترحالي

طرح رائع وجميل
يسلمو جداوي
ربي يعطيك الف عااااااافيه
تقبل مروري

أَوْعِدَك يَاحَظِي إِذَا تَعَثَّرْت لـ أُوْقِف مِن جَدِيْد
وَأَوْعَد يّادَمَعي إِذَا تَأَثَّرَت لأَتَبِسْم وَرَاك
وَأَوْعِدِك يَالصَّبّر الْوَفِي لَو مَابَقَى مِنِّي وَرِيْد
مابِيعَك لِهَمِّي بَعْد مَاقَلِبِي صَاحِبَك وَشِرَاك
وَاوْعَد يَاهْمّي تَهُوْن وَتَبْقَى عَن عَيْنَي طَرِيْد
حَتَّى اشُوف نِهَايَتُك يَاهُم وَآَخِرُهَا مَعَاك

رووووووعه جـــــداوووويي يسلمووو يالغلا



تـــقبل مرووووررري