.
.
اجيك
ضااااايق
من الضيقااات
بهدومي !!
واروح منّك .. وانا
الاماااال ........ قدامي
وان جيت تسأل عن الاوضاع وعلومي
يكفيني انك شقى هالروح وآلامي !!
لو كنت
تدري علام
الياس بعزومي
ماكان تجفى معي وترووووق
لاعدامي .....!!
.
.
.
.
.
.
.
اجيك ضايق من الضيقات بهدومي
واروح منّك وانا الامال قدااامي
.
وان جيت تسأل عن الاوضاع وعلومي
يكفيني انك شقا هالروح والامي !!
.
لو كنت تدري علام الياس بعزومي
ماكان تجفى معي وتروق (لعدامي)
.
ماغيّر الوقت طبعي فيك وسلومي
تبقى وحبك مداد العمر لايامي
.
من شانك الناس صارت كنها خصومي
ولاهمني كود يرضى مصدر إلهامي
.
ليه الدقايق تموت بلحظة قدومي
حتى المشاعر بكت من جفّت اقلامي!!
.
ياضيقت البال عني للفضاء قومي
تعبت ماقوى اشيل الحيل .. وعظامي
.
هذي معالم بقايا الحب ورسومي
فيها ملامح عظيم الشوق وهيامي
.
ولازلت عايش عساها تصدق حلومي
ولو طول الدرب ماتتعب لك اقدامي
.
ماجاني ادري من الحسرات مقسومي
لابد مادفع ضريبة باقي اعوامي
.
مليت اخايل واعدي عالي ارجومي
احاول اسلى واسلي قلبي الضامي
.
ولاخيّم الليل همت بعالم نجومي
اسجّ لبعد مدى تاصله احلامي
.
واعود منها جروحي بالحشى سهومي
من جرحك العام ينزف جرحي الدامي
.
كني اشوفك على الصدات لي تومي
ترى المحبه خطا لو كانت إلزامي !!
.
ياعزت النفس شومي وش بقى شومي
بانت نهاية بعض ما كان لاقدامي !!
.
مدام وده يبيع الود ويسومي
بروح منّه وانا الالام .. قدااامي
.
ولو ضاق فيني فضا هالكون بهمومي
للطيب باني بيوت العز وخيامي
mms
موضوع: ضريبة الحب 
