وينك ؟ تعالي ما أبي منك أعذار
دونك جميع (عروق قلبي) مُهانه
خليتني ما بين تلويع الأقدار ..!
يرضيك من حبك يقاسي زمانه ؟
وينك كفايه صمت ما أبيك تحتار
القلب مع غيرك (بخيل ٍ حنانه)
وماني بـ أخبي عنك يا زين الأسرار
عن ما بقى بالحب عندي (ضمانه) ..
مرات : أحس إني على واهج النار !
لا من سألتك قلتي : كل ٍ وشانه !
ومرات : أحس العاطفه حبالها قصار
لكنّ حبك ثابت ٍ .. في مكانــــه !
أوقف على جال الضما خطر لا انهار
لانيّ ما أجازي بالخيانه خيااااانه !
حتى ولو صار الخطا منك لو صار
عندي عن عيوبك دروع وحصانه
تسهر عيوني غصب من دون لا اختار
من هو عشانه ؟ قولي من هو عشانه ؟
ويا حلم ؟ لو انك تطوّل بالاسفار
حافظك حفظي للهوى والأمانه
(بيت الغلا) معمور يا شمعة الدار
لو طال بعدك .. ما تزعزع كيانه !
قلتي : الزمن دوار وآقول : دوار
من هو وثق بالوقت .. يخسر رهانه !
مير اسمعي ما عاد ابي منك اعذار
دمعي على خدي .. عيوني مُهانه
موضوع: تعالي مابي منك اعـــذار 