ســـكاكين الــــفراق

على درب الغرام أفنيت عمري

ثمان أعوام لا ياقـــــــــو صبري

أحبه حب باين من عيـــــــوني

أغمّضها أخاف الناس تدري !!

أنا لي بالهوى ياناس قصّـــــــه

بكا منها الورق والدّمــــع حبري

هواه القلب؟ ايه أهـــــــواه والله

على شانه كتبت أبيات شعري

أغنيها مع نفسي ... ونفسي

أطرّزها على جــــــــدران قبري

الا ياحب وش سويت فيني ؟؟

دمرت القلب شوف الحال مبري

مدام إني أحــــبّه ليه يقسى ؟؟

أحاتي غيبته مكسور ظـــــــهري

وأنا دمعي عـــــــــــزيز ولامنعته

وصار الدمع من فـــــــــرقاه يجري

رحل عنّي ولاقدّر شـــــــــــعوري

ولا حتّا التفت من قبل يســـــري

وطالت غيبته لليوم هــــــــــــــذا

وأنا أذكر كلمتي له .. وين بدري؟

كسب ذنب المـــــــــــولّع يوم نبّت

(سكاكين الفراق) بوســـــــط صدري

وأنا لامن تناسيته دقـــــــــــــايق .

على مر الثواني قـــــــــــام يطري