مــليت ياحـــزني

كفاية يازمان الضيق كفايه ياصدى الأحزااان
تراني ان نويت اكتب بدا جرحي يواسيني



اشيل الحزن من روحي وادعي لي عظيم الشااان
واقول الله بيرحمني ويغفر لي ويهديني



عجزت اليوم في قصه غريبه مالها عنوااان
بدت لي من سنه واكثر وفيها الزين والشيني



بدايتها عن الدمعه اذا ماعذبت انسااان
نهايتها عن الفرقاا اذا قامت تناديني



انا مليت من حزني تعبت وخافقي تعبااان
وعشقك يامنى روحي تري والله بينهيني



اجامل وان بكيت اعجز ارد لخاطري قيفاان
تحرك في عروقي الدم وتنزف لي شراييني



اشيل الهم وايا الغم واهيم بعالم النسيااان
تعبت انسى واتجاهل وهذا الشوق في عيني



غريبه قصتي دايم وانا ابحث عن السلوااان
كاني ازرع الشوكه وابي منها تداوويني



سؤالي ياعرب يكمن بمحور هل انا غلطاان
انا حيران في وضعي وابي من هو يلبيني



انا اعلنت له حبي وقمت ازرع ورد بستااان
وهو ناوي على الفرقا ولاوده يراعيني



دموعي تغرق جفوني احس اني بلا اوطااان
واهيم بعالم الذكرى وابي من هو يرسيني



اغني للشقاء دايم وقلبي يصرخ بكتماان
واردد ياحبيب الامس ترى هجرك بيكويني



وفجاه اختلف وضعي عقب ماصار من هجرااان
وبعد ماجارت ايامي رجع حبي يناديني



صعيبه لحظة الفرقا والاصعب ماجرى وان كااان
ولكن المهم اليوووم حبيبي قاام يغريني



عرفت الدنيا ماتسوى وانا عايش مع الحرماان
يمر الوقت واتحسر ولاودي تشوفيني



ماعاد استحمل الدنيا بدونك ياشذى الالحااان
ابيع الناس لعيونك واقول انك تحبيني



كرهت الحال بغيابك كرهت النااس والخلااان
لانك كل هالدنيا وابد مامثلك اثنيني



عرفت ان الوفا نادر وقربك اعظم الاحسااان
تعال ورد لي قلبي طلبتك لاتخليني



بجيب اقلامي والدفتر وبرسم في سماك الواان
قصيده قلتها لاجلك وابي منك تعَذْرِييني



انا لاهزني شوقي كتبت بريشة الفنااان
خواطر كلها معنى واوردها المياديني



فديتك ياوطن عمري وهذي كلها اشجااان
احبك يا ( ........... ) احبك يامعنيني