العــيد

العيد فرحـة وكـل النـاس تترقـب العيـد

وانا مـع النـاس أراقـب طلتـك ياحبيبـي

عشرين يوم انقضت من شهر رمضان واتزيد

ونار الاشـواق لـك فالقلـب زادت لهيبـي


لميت شمل الذي يخطـون وقـت المواعيـد

واحرمت من فـارق الدنيـا يقابـل قريبـي

اعوامك اتدور واعيـون الخلايـق شواهيـد

ذكـراك مافارقـت راع الخيـال الرحيبـي

دام اسمك العيد فانا قلبـي بوصلـك اسعيـد

ما ينزعج خافقـي دامـك لقربـي طبيبـي

انا بك افرح وصوتي بـك يذيـع الاناشيـد

واللي على غير شرع الله بوصلـك غريبـي

ياعيد لـك عندنـا فرحـة ولطيـر تغريـد

دامك تنـادي لنـا فحنـا لصوتـك نجيبـي

فيـك اجتمـاع الاحبـه والقلـوب المواليـد

ياكم تداوى بقربك كـل جـرح (ن)عطيبـي

لكن بعض النفوس امسـت تجـر التناهيـد

تغرق في احزانهـا والعقـل منهـا ذهيبـي

واللي مفـارق حبيبـه والـذي كبّـل بقيـد

يسكب دموعه ولاحي (ن) بوضعـه دريبـي

ليتك تجمل وتمسـح دمعـة العيـن ياعيـد

وتداوي اللـي مـن العلـه فـؤاده صويبـي