حـــارس الهـــوى

انا ادري بك انك في كتاب الامل مفقود

وفي صفحة الحرمان طيفك يواسينـي

لقيتك خبر من ضمن تاريخي المسنـود

وفي زحمة الاحداث ضعت ابعناوينـي

ادورك بعض احيان ياغاية المقصـود

واعيد النظر واشطبك والعين تبكينـي

تمنيتك ابقربي تجي فـاليالـي السـود

تزيل الهموم الـي بفرقـاك تضوينـي

انا جبت حراس الهوى للغرام اشهـود

ووقعت عقد الحب مـا بينـك وبينـي

عقب صحية الساني تذكرت مابه فـود

اسلم حياتـي بيـد مـن لا يراعينـي

ياليت الوله ما يعتصر قلبي المظهـود

واصير آفة الاحزان والنـاس تنعينـي

كثير البشر يضحك على حظي المقرود

وبعـض الاوادم بالمغفـل تسميـنـي

وانا مستقيم الفكر واخشى من المنقـود

ولا ودي اتجاوز حـدود السلاطينـي

ابي وجد روحي ينتشل حالي المكبـود

ويزرع طموحي في رياض البساتينـي

انا مملكـه عمرانهـا حبـك الملحـود

وقانونهـا شـوقٍ بـلا قيـد يطوينـي

انا بحر من فيض المشاعر بدون اسدود

على ضفتـه القـاك فينـي وتلقينـي

انا طفل في برجك ياعذب اللما مولـود

تربى على صدرك وحاطته الايدينـي

انا مغترب لكنـي ابداخلـك موجـود

يقيني يقـول انـك بعينيـك تحوينـي

ياليت العمرما يحترق يا رهيف العـود

قبل لا نظر عينك يداعب نظر عينـي