و الله انـك تحـدّ قـلبي لشيء مـا يبيه
وأنت غالي ولا يساويك في عيوني بشر
الهـواوي فيك مجـنون و لا تشره عليه
لـو تغيبين عنـه ساعـه تجي كـنها شهر
مالكـه قـلبه و روحـه ومـا تمـلك يديه
مـابقى قلب يحب غـيرك ولا خلّيتي فكـر
قلبي اللي مـاحدن ساكـن سـواك فيه
يحرقه شوقه عليك وعذّبه طول الصبر
لو يجيك من الوله لـو ربـع شيء يجيه
كـان مـا خليتني يـا غـلا الـروح انتظر
أربعين من الشبه يخلق ومالك شبيه
النجوم كثير و لاّ أنت في عيوني قمر
من يحب يحب مثلك ياابو عرض نزيه
حب مع غيرك عقيم ما يجيب الاّ الكدر
والله انك أغلا من الورع عند أمه وأبيه
والله ان تبقى غلاتك على طول الدّهر
حبّـك الصّـافي عيـوني و قـلبي والديه
برّ فيها بالوفاء وأقض فيها أحلا العمر
حب غيرك راح وأقفى والذكرى تقتفيه
وحبّك أستوطن بقلبي و لا ينوي سفر
جيش حبّك ما يهزمه ولا جيش يغزيه
الوفاء راياته وسيوفه تقطع رقاب الغدر
مستحيل أحب غيرك واذا من قلت ليه
قلت لك من يستاهل الحب غيرك فالبشر
mms
موضوع: حبك الصافي 
