متضايق متضايق

من مال حظي ,, مابقى شي مامال
والله من يعلم بحالي وشايف

كم لي وانا ادوّر شغل ,, بستر الحال
ولافيه من كثر الوظايف ,, وظايف

وكم لي ,, وانا دوّر على راحة البال
ولا لقيت الا القهر والحسايف

الضيق صاير (من خذا البال منزال)
امير ,, وهمومي شعوب وطوايف

من قال ,, مايبكي من الضيق رجال ؟؟
ماذاق من مر السنين العجايف

ياصاحبي ياللي لك القلب مازال

ينبض مثل نبض القلوب الولايف

ليه الجفا ياصاحبي بيننا طال
ماردتك ,, كثر الدموع الذرايف

احتجت لك ,, والدمع من حاجتي سال
وين انت ياطب الجروح الرعايف

البارحه مانمت من ضيقة البال
خايف ولادري من شنو كنت خايف

تدري لو انك جيت تسأل عن الحال
لاقلت لك حالي ,, مثل مانت شايف